logo

Aruba completo por vota pa Sarah Quita Offringa sali e EFPT Sailor di Aña 2015

Pa di cuater anja consecutivo e organisacion di European Freestyle Pro Tour ta escohe su miho atleta di anja. E biaha aki un bes mas nos orguyo nacional Sarah Quita Offringa ta nomina entre e 8 miho atletanan di 2015. Remarcabel ta cu Sarah Quita ta e único hende muhe entre e ocho atletanan aki. Nunca antes Sarah Quita no a gana e premio aki. E anja 2015 tabata un tremendo anja pa Sarah Quita Offringa mirando cu pa di ocho biaha e la bira campeón mundal den Freestyle Windsurf, pa di dos biaha campeón mundial den Slalom y e la logra un di tres luga den e Wave, algo cu pa prome biaha Sarah Quita e competi na dje.

Aruba completo por deposita su voto pa Sarah Quita por logra e premio aki. Djis klik riba e link aki http://www.efpt.net/efpt/efpt-sailor-of-the-year-2015/ bay full abou y klik den e ronchi cu e nomber di Sarah Quita Offringa. Ban sostene masalmente pa un yiu di tera cu a logra hopi pa nos deporte local y nos isla den exterior gana e premio aki.