logo

Apesar di un bon presentacion, e soño Olimpico a termina pa Kyra Hoevertsz y Anouk Eman

Kyra y Anouk a termina nan soño Olimpico awe, cu nan segundo actuacion aya na Rio. Aunque cu nan a ricibi un puntuacion mas halto pa e presentacion di awe, e no tabata suficiente pa por a logra un clasificacion pa e Weganan Olimpico. Nan a termina na puesto nr 20 y solamente 16 lo a clasifica. Hunto cu 8 duet cu a clasifica anteriormente caba, esey ta yega na un total di 24 duet so di henter mundo cu lo competi na Rio na augustus den e deporte di landamento sincroniza.
Nos ta solamente extremadamente orguyoso di Kyra y Anouk y ta agradecido pa loke nan a sacrifica, pa nan dedicacion, pa loke nan a logra pa nan mes, pa nan famia y amigonan, pa nan federacion, pa Comite Olimpico Arubano y pa nan pais Aruba.
Nan tin un futuro briyante nan dilanti y danki na deporte a siña e lesnan cu ta duna ami e pleno confiansa cu nan lo ta exitoso den bida tambe. Aouk ta finalisa su carrera deportivo, mientras cu Kyra cu su 17 aña ainda ta suficiente jong pa descubri mas exito den deporte.

Danki pa e sosten cu boso semper a duna Anouk y Kyra. Esey sigur a yuda nan.