logo

Aischal van der Linde a bin bek na su cuna Brazil Taekwondo Stichting.

Diamars atardi Aischal van der Linde a cuminsa duna training na e team di Train Hard Fight Smart di Brazil Taekwondo Stichting. E team ta preparando pa varios campeonato internacional y tin e meta pa trece medaya di oro Aruba. 
 
E meta awor ta hopi mas halto cu na aña 2015, unda cu e medayanan tabata entre oro, silver y brons. E programa di training a sigui su caminda di snelweg y e intensidad a surpasa locual tabata e anticipacion. Entrenadornan mundialmente reconoci a bin duna un man y evalua e team y claramente por a mira progreso masha grandi mes den e team. Awor cu Aischal van der Linde a bin bek na su cuna Brazil Taekwondo Stichting e lo bay haci un impacto mas grandi ainda. Aischal van der Linde no ta un persona desconoci na Aruba y internacional y awor e ta bek den cas na Brazil Taekwondo Stichting. Brazil Taekwondo Stichting ta conta cu mas entrenadornan di rendimento halto, Hall of Famer, personal trainer y nutricionista. Cu tur e ingredientenan aki den Brazil Taekwondo Stichting, ta haci cu e team di Train Hard Fight Smart tin tur cos den un solo cas. Awor e team lo mester bay prueba esaki na e Costa Rica Open.