logo

AETA a gana DOS 97 den "Delta Force 7"

E grupo di airsoft AETA, cu ta para pa Aruba Elite Tactical Airsoftsquad, a resulta campeon absoluto den e competencia di airsoft "Delta Force 7" tambe yama "Death Match Event", organisa dor di "Hot Triggers" cu a tuma luga diadomingo 29 di november riba e tereno di airsoft situa na Parkietenbos.

 

Un total di 6 diferente ekipo cu 7 participante den cada team a competi pa e titulo maximo. E organisadonan a keda masha contento cu e participacion, specialmente si tene cuenta cu e calidad di e ekiponan y su participantenan. Cada un a duna bataya pisa na e ekipo contrario. Cada debate ta dura 10 minuut, mientras cu den e ultimo eliminacion nan a uza 5 minuut durante cada bataya.

 

E encuentro final pa campeon tabata entre e dos miho nan di e competencia, esta AETA, encabesa pa Sharon Geertruida y DOS 97 (Desert Operatives Squad) encabesa pa Jigz de Castro.

 

E ekipo di AETA (Aruba Elite Tactical Airsoftsquad) ta consisti di Sharon Geertruida como Capitan, Michael, Angelbert, Rygel, Gilbert, Urwin y Richie. Den e encuentronan di diadomingo, Michael Salazar a fungi como capitan di e batayanan.

 

Esaki ta resulta e ultimo bataya di airsoft pa e aña aki. Por menciona cu tabatin diferente encuentronan y competencianan durante aña 2015, incluyendo algun bataya internacional. Ta nota cada biaha cu ta nace mas ekipo y cu e interes pa e deporte di Airsoft ta creciendo tur dia.